Ég held að ég sé búin að pakka of mörgum bolum. Bakpokinn minn, sem ég ætlaði að hafa svona hálfan, er orðin fullur. Er næstum farin að troða. Bætti við síðum náttbuxum núna á síðustu stundu, sólgleraugum, plástrum, skordýrafælum, auka buddu... alltaf eitthvað sem hægt er að bæta við.

En þetta er orðið fínt núna held ég bara. Vantar kannski eina litla skrifblokk til að geta hripað niður það sem við Herdís gerum, annars er hætt við að ég gleymi því. Eftir 12 tíma verð ég í rútinni á leið til Keflavíkur. Verð smart í opnum sandölum og göngufötum.

Við erum búnar að ákveða hvar og hvenær við munum hittast á miðvikudaginn. Ég hef semsagt sólarhring ein í Mexíkó og ætla að nýta hann til að finna mér hótel og handklæði. Á samt að vera rigning og þrumuveður í Playa del Carmen þegar ég kem, en samt 30 stiga hiti þannig að þetta verður allavega hlýtt.

Ég er orðin stressuð/kvíðin/spennt.

Hrikalega hlakka ég samt til!

Jæja ég ætla aðeins að leggja mig núna - vonandi næ ég eitthvað að blogga frá Mexíkó!
Hafið það gott, sjáumst eftir tvær vikur :)